Servizos

PROGRAMA   XUNTOS   NO   NADAL  2024

O Departamento de Servizos Sociais do Concello de Irixoa informa que a Dirección Xeral de Maiores e Atención Sociosanitaria organiza este programa de promoción do envellecemento activo e convivencia, destinado ás persoas maiores que se atopen soas nestas datas, xa sexa por carencia de familiares ou amigos, perda do seu cónxuxe ou por outras circunstancias.

• 130 prazas na Residencia de Tempo Libre do Carballiño (Ourense), para as persoas solicitantes das provincias de A Coruña e Ourense.

*Persoas beneficiarias:

1.     Ter 60 anos, cumpridos no momento en que remate o prazo de presentación de solicitudes.

2.     Estar empadroado nalgún concello galego.

3.     Vivir so no seu domicilio e ter que pasar só/a as datas do Nadal.

4.     Valerse por si mesmo e non padecer enfermidade transmisible con risco de contaxio, nin trastornos mentais ou condutuais non compensados que poidan alterar a convivencia durante o transcurso da estadía.

Recoméndase estar vacinado fronte a COVID-19 e a GRIPE segundo o calendario sanitario vixente.

 Para a selección dos participantes daráselle preferencia ás persoas que:

• Perderan ao seu cónxuxe ou persoa coa que convivisen nos últimos anos.
• Teñan máis idade
• Non participaran no Programa Xuntos polo Nadal en pasadas edicións.

*Datas e servizos:

O programa levarase a cabo entre o día 24 de decembro de 2024 e o día 7 de xaneiro de 2025.

Comprende os seguintes servizos:

·        Estancia na residencia durante 15 días (14 noites).

·        Aloxamento en habitacións compartidas e manutención en réxime de pensión completa. Só se autorizará o aloxamento en habitacións individuais previo informe médico que acredite a súa necesidade.

·        Desprazamento en autobús desde os lugares que se establezan nas localidades que corresponda ata a residencia de tempo libre que se lle adxudique e viceversa.

·        Actividades de animación sociocultural.

A recollida das persoas participantes efectuarase o día 24 de decembro pola mañá e a volta o día 7 de xaneiro despois do almorzo.

As solicitudes, acompañadas do informe social e da declaración responsable, formularase nos modelos establecidos ao efecto e estarán debidamente cubertas e asinadas pola persoa que corresponda.




O prazo de presentación estará aberto ata o día 25 de novembro de 2024 (incluído)

As persoas participantes asistirán de forma gratuíta ao programa.
Os gastos de desprazamento desde o domicilio dos adxudicatarios ata o lugar de saída que se indique e viceversa serán por conta da persoa participante.