Cultura e Turismo

Toda unha semana por diante para cumprir cos requisitos permitidos da nosa gran cita anual!

Porque esta nova normalidade tampouco conseguirá prohibirnos a nosa ancestral celebración. Cativas e cativos, as que non o son tanto e as que nunca o foron, os que sempre o serán e os que deixaron de selo, TODAS as criaturas deste mundo e do outro festexaremos esta gran noite de SAMAÍN.

E como en toda gran festa que se prece o primeiro é a comida: MÁSTER CHEF DO MEDO, o obradoiro gastronómico que pon verde de envexa a calquera. Tomade nota, o luns 26 de outubro cociñamos as nosas receitas máis feiticeiras!

Co MESTRADO DA COSTURA do martes 27 crearemos tendencia convertindo a Touro na envexa das pasarelas máxicas e coa FEIRA DOS COMPLEMENTOS do mércores seremos as top das influencers.

As mellores ideas e os trucos de decoración serán revelados o venres nas TOURO TENDENCIAS DE SAMAÍN.

O serán do 31 de outubro, na Casa da Cultura de Touro, gozaremos da música con Brinca Vai e o noso leitmotiv particular para este 2020: MEIGAS FÓRA

A mellor oportunidade de amosar os teus feiticeiros encantos no photocall social-media 2020. Seredes a envexa de todas as criaturas.

Ditos obradoiros terán lugar na Casa da Cultura e a celebración dos mesmos adáptase ás esixencias marcadas pola pandemia do COVID-19 e o uso de máscaras e a hixiene de mans é de obrigado cumprimento para o acceso ás mesmas, así como a INSCRICIÓN para cada unha das actividades (praxo límite ata o xoves 22 de outubre)

Debido ás medidas de seguridade, protección e hixiene establecidas polas autoridades sanitarias para a prevención do COVID-19 prégase acudir con anticipación á hora sinalada para acceder de maneira ordenada e cumprindo cos protocolos de seguridade.




Adjuntos:

•