CONCURSU DE CORTUMETRAJIS EN CACHIPURRAU 2018 *** Se amplia u plazu de presentación dus cortus hasta u 15 de Juniu, inda estas a tempu de participar *** REGLAS DE PARTICIPACIÓN: * ¿Cómo participal? U plazu de recepción de participantis é hasta u 15 de JUNIU de 2018 as 08:00. A aceptación das basis se confirma con a participación. Pa participal, solu tes que abril esti enlaci y completalu. https://goo.gl/forms/mx4VLLLnyrzsYOii2 * ¿Qué requisitos ten u concursu? Deben tener una duración mínima de 5 minutus y máxima de 15 minutos. A obras serán inéditas y originais. Un 75 % du que se fala, ten que estal en cachipurrau. Nun se aceptarán vídius con imágenes o conteníu violentu, denigranti, vejatoriu o insultanti que podan sel catalogaus de mal gustu o estén en contra dus dereitus humanus. Se podin presental tantus cortus comu se queran participandu y presentánduus por separau. Us cortumetrajis serán propiedai y responsabilidai exclusiva dus participantis. A Concejalía de Cultura de Valverdi du Fresnu colgará as obras en u Facebook du Ayuntamentu y proyectarán na casa de cultura. En us créditus aparecera reflejau u siguienti textu: Vídiu participante nu concursu Cortus en Cachipurrau 2018 Concejalía de Cultura du Ayuntamentu de Valverdi du Fresnu * Premios y categorías: Se premiará a creatividai, originalidai, técnica, composición, desarrollu y a variedai de términus linguísticus en pocu usu o desusu. Miyol Guión en Cachipurrau: 100 € en un Vali a consumil nu lugal. Premiu du públicu: 100 € en un Vali a consumil nu lugal. Entrega de premios y gala final: se proyectarán us cortus aceptaus en a Casa de Cultura durante as Festas de Agostu. Us participantis podin optal a presental activamenti sua obra na proyección dus cortus. 30 minutus dispois da proyección se fairá a entrega de premius. ¡Gracias a tos por compartil vosas historias!

Archivos adjuntos:

• 020418065838_CONCURSU_DE_CORTOMETRAJIS_EN_CACHIPURRAU.jpg

Cultura 06-Junio-2018 12:02